Alén do azul - Sara C. y Silvia I.

Mergullarse na ría de Vigo é visitar un mundo próximo baixo outra luz no que habitan flores que son vermes, expertos da camuflaxe ou alfombras verdes de pradarías.

Alén do azul. O mundo submarino da ría de Vigo é unha viaxe para coñecer as paisaxes submarinas e os seres que as habitan por medio de espectaculares fotografías, ilustracións ao detalle e mesmo vídeos ligados con códigos QR.

Sara Carrasco e Silvia Iglesias enfían un relato de descubrimento a través desta guía visual e ilustrada na que coñeceremos ao detalle que pasa baixo o mar, con apuntamentos sobre o noso impacto neste medio e recomendacións para un mergullo responsable.

Sara Carrasco Gónzález (1986) é fisioterapeuta de formación, mais decidiu acabar mergullándose na ilustración naturalista e no mundo submarino, o cal retrata nesta obra mediante acuarela e lapis.

A súa formación sobre o mar parte de distintos ámbitos, desde os cursos Ecosistemas mariños: diversidade e ameazas dos ecosistemas bentónicos (Aula Cram), Bioloxía mariña xeral (ZOEA Campus) e Ilustra peces (Illustraciencia), até as sesións semanais de aprendizaxe e perfeccionamento de técnicas de pintura (Taller Zoográfico). Dispón do certificado de mergullo Advanced Open Water Diver (PADI).

Categoría: Ecoloxía
Etiquetas: acuarelas, bioloxía, cambio climático, consumo responsable, contaminación, ecoloxía, fauna submarina, flora submarina, ilustración, mergullo, paisaxe, peixes, QR, ría de Vigo, rías baixas, vídeos
Descrición