Arrecende a limpio

Un manual práctico de ecoloxía doméstica para aprender a elaborar produtos de limpeza e cosméticos con ingredientes naturais, fáciles de preparar e que respectan a saúde e o ambiente. Vinte e cinco receitas e miles de consellos para dicirmos adeus á industria da cosmética e dos produtos de limpeza.

Esta guía práctica adaptada á realidade galega xa vai pola súa 3.º edición, que inclúe unha listaxe de produtores e artesáns actualizada, para que saibas onde mercar produtos respectuosos coa contorna… ou os ingredientes que precisas para facelos ti na casa!

Xabóns e deterxentes ecolóxicos e eficaces para lavar a roupa, a louza e o chan; xabóns e aceites curativos, pastas de dentes e cremas hidratantes, un kit de beleza esencial para coidares de ti de maneira natural, do cabelo ás mans, do rostro á punta dos pés. Para sermos limpos, en todos os sentidos. E porque ben que o merecemos!

Nunha edición actualizada e adaptada á realidade galega acompañada dunha listaxe de artesáns e produtores da contorna que traballan con produtos naturais.

Máis de 10 000 exemplares vendidos en Italia.

Esta obra recibiu unha axuda da Secretaría Xeral de Cultura, Educación e Ordenación Universitaria da Xunta de Galicia na convocatoria de axudas para a tradución do ano 2017.

Elisa Nicoli
Elisa NicoliElisa Nicoli
Elisa Nicoli (1980) naceu en Bolzano (Italia) e traballa como documentarista, xornalista, educadora ambiental e autoprodutora. Especializada en ecoloxía e nunha forma de vida natural, é autora de diversas obras en italiano, entre elas L’erba del vicino (Altreconomia) e Senza pesare sulla terra (Ediciclo). Este é o primeiro título dela que se traduce ao galego.

Máis información na súa web.

Categorías: Consumo responsable, Economía social
Etiquetas: autoconsumo, CCT, consumo consciente e transformador, consumo sustentable, cosmética, cremas hidratantes, deterxentes ecolóxicos, hixiene, limpeza, pastas de dentes, pegada ecolóxica, produtos de hixiene, produtos de limpeza, xabóns ecolóxicos.